Mga anak

Ang mga ginikanan adunay responsibilidad sa padayon nga pagtudlo sa ilang mga anak sa maayong mga mithi pinaagi sa adlaw-adlaw nga kinabuhi ug sa ilang pananglitan. Ang sayo ug makugihon nga pagtudlo nagtabang sa mga bata sa pagtukod ug lig-on nga moral nga pundasyon nga mogiya kanila hangtod sa pagkahamtong.

Ang mga ginikanan adunay responsibilidad sa pagtudlo sa ilang mga anak sa diosnon nga mga prinsipyo ug batasan sa kinabuhi

Pagmatngon lamang kamo ug bantayi pag-ayo ang inyong kaugalingon, aron nga dili ninyo makalimtan ang mga butang nga nakita sa inyong mga mata, aron nga dili kini mohawa sa inyong kasingkasing sa tanang mga adlaw sa inyong kinabuhi. Hinuon, ipahibalo kini ngadto sa inyong mga anak ug sa mga anak sa inyong mga anak. (Deuteronomio 4:9)
Ang mga pulong nga akong gisugo kaninyo karon maanaa sa inyong kasingkasing; ug makugihon ninyo kining itudlo sa inyong mga anak; maghisgot kamo niini sa dihang naglingkod kamo sa inyong balay, sa dihang maglakaw kamo, sa dihang mohigda kamo, ug sa inyong pagbangon. (Deuteronomio 6:6-7)
Busa ipahimutang ang akong mga pulong sa inyong kasingkasing ug kalag; ihigot sila ingon nga timaan sa inyong kamot, ug tugoti nga mahimo kining timaan sa inyong agtang tungatunga sa inyong mga mata. Itudlo ninyo kini sa inyong mga anak ug magsulti mahitungod niini sa dihang maglingkod kamo diha sa inyong panimalay, sa dihang maglakaw kamo sa dalan, sa dihang maghigda kamo, ug sa dihang mobangon kamo. (Deuteronomio 11:18-19)
Tudloi ang bata sa dalan nga angay niyang pagaadtoan ug sa dihang matigulang na siya dili siya motalikod gikan niana nga pagpanudlo. (Panultihon 22:6)