Boqonnaa darbe
BaajataHaala maallaqaa kee beeki
Wanta barbaachisu guutuu danda'uuf
Haala bushaayeen kee keessa jiran sirriitti beeki; loon keetiifis xiyyeeffannaa kenni; soorumni bara baraan itti hin fufuutii; gonfoonis dhaloota irraa dhalootatti hin darbu. Yeroo okaan haamamee biqilaa haaraan jalaan biqilee margi tulluu irraa walitti qabamutti, xobbaallaawwaniin daara baata; reʼoonni immoo gatii lafa qotiisaa siif taʼu. Ati ofii keetii fi maatii kee, xomboreewwan kees ittiin jiraachisuuf aannan reʼootaa baayʼee ni qabaatta. (Fakkeenya 27:23-27)
Kaayyoo milkaa'inaan galmaan ga'uu danda'uuf
“Mee isin keessaa namni tokko gamoo ijaarrachuu barbaada haa jennuu; namichi sun gamoo sana ijaaree fixuuf horii gaʼaa qabaachuu fi qabaachuu baachuu isaa beekuuf duraan dursee taaʼee gatii isaa hin herregatuu? Yoo kanaa achii yommuu inni hundee kaaʼee fixuu dadhabutti, namoonni argan hundi itti qoosu. (Luqaas 14:28-29)
Jireenyi keenya sirna agarsiisuu qaba
Wanti hundinuu garuu karaa qajeelaa fi sirna qabeessa taʼeen hojjetamuu qaba. (1 Qorontos 14:40)
Gooftaan Waaqa wal-xaxiinsaa miti
Waaqni akka waldoota qulqullootaa hundumaa keessatti taʼaa jiru kana Waaqa jeequmsaa utuu hin taʼin Waaqa nagaa ti. (1 Qorontos 14:33)
Karoorsuun ni jajjabeeffama
Gorsaan karoora baafadhu; qajeelfama ogummaatiin waraana bani. (Fakkeenya 20:18)
Karoorri nama tattaaffatuu buʼaa argamsiisa; namni ariifatu garuu ni hiyyooma. (Fakkeenya 21:5)
Manni ogummaadhaan ijaarama; hubannaadhaanis jabeeffamee dhaabama; kutaawwan isaas, beekumsaan, qabeenya gatii guddaatii fi miidhagaadhaan guutamu. (Fakkeenya 24:3-4)