Chitsauko chakapfuura
BhajetiZiva mamiriro emari yako
Kuti ugone kuwana zvaunoda
Iva nechokwadi kuti unoziva mamiriro amakwai ako, uchengete zvakanaka mapoka ako; nokuti pfuma haigari nokusingaperi, uye korona haigari kusvikira kuzvizvarwa zvose. Kana uswa hukabviswa, uye bumhudza rikabuda, nesora rikaunganidzwa kubva kuzvikomo, makwayana achakuwanisa zvokupfeka, uye mbudzi nomutengo womunda. Uchava nomukaka wembudzi wakawanda wokudya iwe nemhuri yako, uye wokuraramisa varandakadzi vako. (Zvirevo 27:23-27)
Kuti ugone kubudirira kuzadzisa zvinangwa
“Tomboti mumwe wenyu anoda kuvaka shongwe. Haatangi agara pasi agoongorora mutengo kuti aone kana ane mari inokwana kuipedza here? Nokuti kana akavaka hwaro akasagona kuipedza, munhu wose anomuona achamuseka, (Ruka 14:28-29)
Upenyu hwedu hunofanira kuratidza kurongeka
Asi zvinhu zvose ngazviitwe nomutoo wakafanira uye zvichitevedza mutemo. (1 VaKorinde 14:40)
Ishe haasi Mwari wenyonganyonga
Nokuti Mwari haasi Mwari wenyonganyonga asi worugare. Sezvinoitwa mune dzimwe kereke dzose dzavatsvene, (1 VaKorinde 14:33)
Kuronga kunokurudzirwa
Ita urongwa nokutsvaga mazano; kana uchironga hondo, tsvaka kutungamirirwa. (Zvirevo 20:18)
Urongwa hwavanoshingaira hunouyisa zvizhinji, sezvo, zvirokwazvo, kukurumidzisa kuchiuyisa urombo. (Zvirevo 21:5)
Nouchenjeri imba inovakwa, uye kubudikidza nokunzwisisa inosimbiswa; kubudikidza nezivo makamuri ayo anozadzwa nezvinhu zvinoshamisa uye nepfuma yakaisvonaka inokosha. (Zvirevo 24:3-4)